MIHO BETRIAN KONSENTRA RIBA E 5 TAREANAN KU GOBERNADOR A DUN’E

MIHO BETRIAN KONSENTRA RIBA E 5 TAREANAN KU GOBERNADOR A DUN’E PA E STOP DI PAPIA KOS SIN PIA SIN KABES OVER DI E PROJEKTO SAMBIL

Despues ku siman pasá sr. Betrian a bisa ku e no por haña niun dokumentu di e projekto SAMBIL, i sr. Charles Cooper Ex minister di Planifikashon Urbano a mustra sr. Betrian kaminda e por a haña tur dokumentu over di e projekto SAMBIL,  Sr. Betrian a atmití e siman aki ku ela haña e dokumentunan i hasta ela bisa ku e projekto ta kompletamente legal.

Pero sr. Betrian awor ta bolbe papia kos sin pia sin kabes, bisando ku e projekto SAMBIL lo produsí solamente 300 pa 350 kupo di trabou. Sr. Charles Cooper ta kere ku sr. Betrian ta bai tras di kos ku algún ambtenaar ta skirbi i no ta usando su propio sinti pa por analisá e embergadura di un projekto asina aki manera SAMBIL.

Laga nos yuda sr. Betrian hasi un analysis di projekto SAMBIL i e posible kantidat di KUPO DI TRABOU ku e lo generá:

Lo tin 220 tienda.ku lo ta habrí di 10 or di mainta te ku 10 or di anochi. Lo traha ku dos SHIFT. Kada tiendo lo tin por lo menos 2 persona ta traha. Pues un total di 4 persona ta traha riba un dia den kada tienda.

Esaki lo totalisá 220 x 4 persona = 880 persona ku lo traha den tur e tiendanan.

Lo tin un FoodCourt di 20 negoshi ku diferente tipo di kuminda. Un promedio di 4 persona pa kada negoshi di kuminda = 80 persona na trabou tur dia. Esaki ta sin tene kuenta ku shift.

Lo tin 8 sala di CINEMA. Un promedio di 4 persona pa kaba SALA = 32 persona na trabou tur dia Esaki ta sin tene cuenta ku shift.

E kuerpo di SEGURIDAD di SAMBIL lo ta mas o menos 35 persona pa kada SHIFT.  Pues un total di 70 persona pa dia ku ta traha.

E kuerpo di LIMPIESA di tur e lokalidadnan i tambe e ofisinanan ta 30 persona.

E kuerpo di Mantenimiento (aire acondishona, porta, ventana,  glas, etc, etc,) lo ta di 20 persona.

Administrashon di hinter e kompleho di tiendanan lo emplea mas o menos 30 persona.

Tur esakinan ta e empleo direkto ku SAMBIL lo una.

Awor ban pa esunan indirekto:

-       Esun ku ta bin hiba Limonada, juice, Ijs cream, etc.
-       Esun ku ta trese e merkansianan pa tur e tiendanan.
-       Esun ku ta bin limpia e Tapijt ku sierto frekuensia.
-       Esun ku ta transportá e sen di benta diariamente.
-       E Taxista ku ta transporta e turistanan ku ta bini bin kumpra.
-       Awor aki ta papiando ku 2 komersio grandi establece na Korsou pa nan tambe bin konstrui un filial di nan negoshi den e kurá di SAMBIL, kual lo generá mas empleo.
-       Etc. Etc.

Si sr. Betrian djis kompará por ehempel un Building Depot of un KOOYMAN NV ku tin mas o menos 250 hende ta traha direktamente i hopi mas indirekto, e lo no a papia e barbaridat aki. Kuantu mas grandi SAMBIL lo ta ku e dos empresanan aki ?

Sinseramente mi kier rekomendá sr. Betrian pa konsentrá riba e tareanan ku Gobernador a dunele i stòp di papia kos sin pia sin kabes tokante di projekto SAMBIL.

 

Atentamente,

Charles Cooper
Lider Frakshon di MAN
Parlamento di Kòrsou

RESOLUSHON KONSEHO DI PARTIDO MAN DI 13 NOVEMBER 2012

RESOLUSHON

 

Konseho di partido MAN den su reunion di dia 13 Novèmber 2012 na Lanthùis Morgenster

Konsiderando ku:

• Pueblo di Kòrsou, den elekshon liber, demokrátiko i sekreto dia 19 di Òktober 2012, a eligí su 21 representante pa Parlamentu di Kòrsou 2012 – 2016.
• MAN ta respetá resultado di elekshon liber, demokrátiko i sekreto di dia 19 di Òktober 2012.
• MAN durante su kampana a bisa Pueblo ku MAN ta kla pa sigui traha, prinsipalmente pa kaba e trabou ku su 2 ministernan Hensley Koeiman i Charles Cooper a bin ta hasi.
• MAN a risibí un total di 8,294 voto di konfiansa di pueblo di Kòrsou, lokual ta un adelanto di 1,763 voto (=27%) kompará ku último elekshon di aña 2010.
• A base di e kantidat di 8,294 voto, MAN a optené 2 asiento pa representá pueblo den Parlamentu di Kòrsou 2012 – 2016.
• MAN a firma un “bereidwilligheidsverklaring” dia 25 di Òktober 2012 pa partisipá den un Gobièrnu forma pa Pueblo Soberano, MFK i MAN, basa riba rèspèt mutuo, rèspèt pa institutonan i tambe rèspèt pa Pueblo di Kòrsou en general.
• MAN dia 27 di Òktober a partisipá na deliberashon ku Informador apuntá pa Gobernador Sr. Glenn Camelia i a duna posishon di MAN.
• Partido MFK dia 28 di Òktober a retirá su sosten na e “bereidwilligheidsverklaring” firma entre e 3 partidonan i komo tal no tin ningun akuerdo mas riba mesa ku ta mara partido MAN na un òf otro posibel koalishon.
• Lider di MAN Sr. Charles Cooper pa medio di un karta fecha 5 di Novèmber 2012 a hasi un proposishon serio na Lidernan di MFK i PS pa lanta un komishon di bon servisio ku tarea pa kita tur posibel estorbo for di kaminda pa PS, MFK i MAN por bolbe mesa di negoshashon i asina trata na yega na un gobièrnu nobo pa Kòrsou.
• Partido Pueblo Soberano no a duna oido na e petishon di Lider di MAN Sr. Charles Cooper i komo tal e bon intenshon aki no a kristalisá.
• MAN ku su 2 asiento no ta esun yama pa kana dilanti pa forma ningun gobièrnu ni tampoko tin ningun akuerdo ku otro partido pa formashon di un Gobièrnu nobo.

Ta disidí pa:

1. Anulá (“intrekken”) e desishon anterior di Konseho di Partido tuma dia 30 di Sèptèmber 2012.
2. Instruí direktiva di partido MAN i Lider Polítiko Charles Cooper pa partisipá na deliberashonnan nobo relashoná ku formashon di un gobièrnu pa Kòrsou sin eksklushon di ningun partido.
3. Rekonfirmá ku MAN no ta mará ni tampoko ta forma bloke ku ningun otro partido polítiko den e proseso pa yega na un gobièrnu nobo pa Kòrsou.
4. MAN no ta sostené e pensamentu pa forma un asina yama “taken” òf “zakenkabinet”.
5. Partisipashon di MAN den un koalishon nobo mester ta basa riba un programa na bienestar di Pueblo di Kòrsou, rèspèt mutuo, rèspèt pa institutonan i tambe rèspèt pa Pueblo di Kòrsou en general.

 

I ta pasa pa órden di dia.

 

Kòrsou, 13 di Novèmber  2012

 

 

RESPET PA PUEBLO I PA PARTIDO MAN

WILLEMSTAD — Ya ta mas ku 2 siman ku elekshon a tuma lugá i parlamento nobo a sinta. Ora tur hende a kere ku ta fásil pa yega na un gobièrnu konforme desishon di pueblo, esta PS, MFK i MAN, pues un kontinuashon di e gobièrnu ku tabat’ei, esei te awe no por sosodé.

Diferente miembro di Konseho di partido MAN a pidi lider polítiko Charles Cooper pa sigui hasi esfuerso pa e 3 partidonan menshoná, sinta na mesa i kita problemanan for di mesa pa forma e gobièrnu ku pueblo a pidi. Partido MAN a proponé un komishon di bon servisio, ku mester sinta kita tur puntonan di problema, di komunikashon, di falta di rèspèt pa otro etc., di modo ku e 3 partidonan ei por sigui na mesa di negosashon.

E komishon ei lo konsistí di 2 miembro di PS, 2 miembro di MFK i 2 miembro di MAN. Nan por kuminsá traha mesora. Partido MAN i MFK a aseptá e komishon i e intento di trese otro na mesa bek.

Di parti di PS nos a tuma nota di e kontesta den publisidat. Esta, ku PS ta na mesa ku Partido Pais, ku a papia tokante kontenido i ku tin un klik ku otro.

Tambe nos di MAN a tende via di media ku awor ku e 2 partidonan aki a haña otro, ta warda riba MAN pa bin aserka ta na MAN pa skohe, ku e ta “schuif aan” serka PS i Pais, òf ku e ta “schuif aan” serka MFK i PAR.

Nos ta konsiderá e aserkamentu aki kompletamente sin rèspèt, loke ta un dje problemanan grandi den formashon di e gobièrnu aki. Nos ta eksigí mas rèspèt pa partido MAN, su miembronan i su votadónan.

Partido MAN a pasa den un tempu difísil ku un miembro di dje a kibra gobièrnu, i tur e motibunan ku ela duna, ta netamente pa motibu di sin rèspèt den e koalishon anterior di parti di e lider do PS. E mesun partido ku awor aki ta na mesa ku PS, tin e ex-miembro di MAN en kuestion den su seno.
P’esei nos di MAN no por kere i ta kompletamente asombrá ku ta e 2 partidonan ei huntu ta sinta planeá, anto despues bisa MAN bin aserka.

Partido MAN despues di loke a pasa, mester a traha duru den kampaña, mustra pueblo e trabounan ku nos 2 ministernan den gobièrnu a desplegá, pa pidi pueblo e konfiansa bek pa MAN. Pueblo a honra esaki. P’esei nos mester eksigí rèspèt pa nos miembronan, pa pueblo i pa votadornan di MAN.

Pa konkluí:
Partido MAN ketu bai ke kumpli ku deseo di pueblo. Sinta na mesa, ku e rèspèt nesesario, ku partidonan PS, MFK i MAN. Den esaki nos ke rekordá ku ta pueblo su nesesidatnan i su desaroyo mester ta na promé lugá. No esun di nos partidonan òf nos ego.

Nos ke rekordá tambe ku ya tin mas ku 2 siman ku elekshon a pasa, i ketu bai tin un gobièrnu den Fòrti ku algun eksponente di partidonan di e koalishon anterior a yama golpistanan. Ta na nos pa saka nan.

Kòrsou mester di un gobièrnu i Kòrsou ke e gobièrnu di PS, MFK i MAN.

Ban hasi loke nos mester hasi

Charles Cooper
Lider Polítiko

PARTIDO MAN TA HASI TUR POSIBEL PA ATRAE I MANTENE TUR INVERSHONISTA INKLUSO CNSJF NA KORSOU

WILLEMSTAD — Partido MAN ta konsiderá nesesario pa duna un aklarashon riba e último informashonnan ku ta kore rònt tokante e beach na Sonesta,  Charles Cooper i Curaçao Nort Sea Jazz Festival.

Resientemente Gobièrnu di Kòrsou a firma un asina yama  beheersovereenkomst ku e komersiante de Stefano, doño di Clarion Hotel na Piscadera. Esaki ta enserá ku Sr. De Stefano lo traha mehorashon di e infrastruktura di e beach. Un aspekto masha importante den esaki, ta ku e beach mester keda grátis i liber  aksesibel pa pueblo. Esaki ta ankra den e artíkulo 7 di e kombenio.

Charles Cooper e tempu ei na nòmber di Gobièrnu, a firma e beheersovereenkomst. Sr. de Stefano na su turno, pa desaroyá e playa, a skohe un instansha pa finansiá su proyekto.

Ku Sr. de Stefano a skohe un banko o un otro instansia den e kaso aki aparentemente Fundashon Bon Intenshon pa finansiá e proyekto, esei ta su pleno derecho, kual desishon Gobièrnu no ta tin nada di haber ku ne.

Ta esaki ta e bèrdat i nada mas ku e bèrdat ku sr. Charles Cooper a trese dilanti den entrevistanan riba e tema. Awor ku nos ta pará dilanti di porta di elekshon, kier trata di tira ku lodo riba MAN den un forma hopi baho.

Partido MAN entodo kaso lo hasi tur posibel pa atraé i mantené tur invershonista pa sigui invertí aki na Kòrsou.

MAN ta kla pa sigui traha tambe pa Curaçao North Sea Jazz Festival.

Giovanni Atalita
Lider di Kampaña

Videonan di e kampaña di Partido MAN 2012

LOGRONAN DI HENSLEY KOEIMAN DURANTE 22 LUNA KOMO MINISTER

Tur esaki kreando un mihó futuro huntu ku abo pa un i tur. Ami tin atenshon real pa mi pueblo.

Mas servisio di bon kalidat pa pueblo

1. A trese Kas di Bario ku mas servisio i yudansa pa pueblo
2. A skucha i papia ku pueblo den nan bario pa duna alivio real
3. A trese Sentro pa Famia i Hubentut na Kaya Jombi Mensing pa informashon, guia, prevenshon, yudansa i desaroyo pa famia i hubentut;
4. Awor ku mas atenshon spesial pa hende grandi, hende ku desabilidat, hende muhé, famia, hóben, hende ku ta kobra ònderstant, hende ku ta buska trabou, pèrmit di trabou pa estranhero si no tin hende lokal, habitante den bario; trahadó sosial, i trahadó boluntario;
5. A drecha akseso na Punda i Otrabanda pa hende ku desabilidat;
6. A habri Liñá di Telefòn gratis pa pueblo general por hasi keho riba tereno laboral i keho riba servisionan di Ministerio pa desaroyo sosial, labor i bienestar;
7. Kantidat di ora semanal disponibel na televishon pa Programanan Sosial;
8. Programa spesial pa yuda hóben i adulto ku problema di komportashon p.e. New Creation;
9. Programa pa hóbennan ku problema sosial i di komportashon.

Formashon i desaroyo pa apoderá nos pueblo

10. Sentro pa Orientashon i Práktika di Fishi ku diferente trayekto pa hóben i adulto por haña trabou, i ya tin mas ku 175 hóben i adulto ku a drenta kaba;
11. Ta duna Formashon den Bario huntu ku Unidat di Bario;
12. A rekonosé hende di pueblo ku a sobresalí den komunidat;
13. E proyekto di konsientisashon MI KE, MI POR, brindando un oportunidat spesial na kobradónan di ònderstant pa haña guia kon ta desaroyá nan mes;
14. Den kuadro di e proyekto aki a bini ku e SUPERMERKADO TOUR pa yuda hasi kada hende konsiente kon pa usa su sèn mihó i kon pa wak preis;
15. A proklamá i selebrá huntu ku pueblo di Kòrsou Siman di Famia;
16. E proyekto Unidat Sosial, kaminda ta sera kaya pa públiko general i famia por rekreá;
17. Kampaña kontra Violensia Doméstiko huntu ku e Aliansa Nashonal;
18. A kuminsá organisá, struktura i stimulá Trabou Boluntario;
19. Proyekto Siña Sembra i Kuida pa Kosecha i Prosperá kaminda 40 hende a siña planta fruta i bèrdura;
20. Proyekto Oudiovisual kaminda 30 partisipante entre 25 i 35 aña a haña training pa bira video-editor, cameraman, tékniko di zonido;
21. Proyekto Man na Obra kaminda 20 kobradó di ònderstant òf buskadó di trabou ta yuda hende grandi òf ku desabilidat pa sigui biba independiente;
22. Programa di Introdukshon di método nobo pa baha violensia bou enkargo di SEDA;
23. Introdukshon di e programa pa mente i akshon positivo pa trese harmonia den kas di famia;
24. Proyekto Buki di Bario a logra haña su finalisashon;
25. Proyektonan unda ta apoderá e hende pa su propio desaroyo i progreso.

(more…)

Serada di kampaña

Partido MAN ta yama pueblo danki pa e sosten durante kampaña. Pueblo di Kòrsou ta keda invitá pa nos serada di kampaña.

Fecha: Djamars 16 di òktober 2012
Ora: 7or – 12or
Luga: Sede di MAN, Landhuis Morgenster
Lo tin animashon di:
Dj Renzo + Doble R, Gio

SPEERPUNTEN PARTIJ MAN VOOR KOMENDE REGEERPERIODE

• Constructie van 2500 woningen ten behoeve van woningzoekenden te Wechi, Zapaté, Montaña Abou, etc. in samenwerking met particuliere ontwikkelaars.
• Continuering van infrastructurele projecten volgens het Master Plan, ter asfaltering van alle wegen.
• Wijzigen van de verordening inzake Openbaar Vervoer: uitbreiding van de routes en verhoging van de leeftijd voor vergunning tot 65/70 jaar.
• Introductie van een Verordening Algemeen Pensioen, ter waarborging van een rechtvaardig inkomen, wanneer werknemers de pensioengerechtigde leeftijd bereiken.
• Professionele vakmanschap opleiding en training van 2000 jongeren, om zodoende hun kansen om aan een baan te komen op de arbeidsmarkt te vergroten.
• Institutionaliseren van normen ter garantstelling van een behoorlijk levensstandaard voor ouderen, gehandicapten en kwetsbare groepen in de gemeenschap.
• Veiligstellen van continuïteit van de Isla Raffinaderij, met inachtbname van een gezond milieu.
• Verkrijgen van draagvlak van de gemeenschap om een rookverbod in alle openbare gesloten ruimten te institutionaliseren.
• Invoering van een structuur ter versterking van kleine en middengrote bedrijven en cooperativisme, als een integraal onderdeel van onze econmische ontwikkeling.
• Verhoging van de gevangenisstraf voor hen die geweldadige overvallen plegen tegen burgers, in hun huis, op straat of waar dan ook.
• Herijking van ons onderwijs systeem ten behoeve van meer effectiviteit, solidariteit en emancipatie van de burger.